Slovakiya Aİ-nin rus qazından imtina planına qarşı çıxır
Slovakiya 2028-ci il yanvarın 1-dən etibarən Rusiya qazından imtinanı nəzərdə tutan Avropa İttifaqı təşəbbüsünü dəstəkləməyəcək.
TodayPress TV xəbər verir ki, bu barədə Slovakiya Respublikasının Baş naziri Robert Fitso sosial şəbəkə “X”də paylaşım edib.
O bildirib ki, Avropa Komissiyasının bu təklifi Avropa Şurasında təsdiqlənmiş siyasi mandatı kobud şəkildə pozur.
“Mənim Baş nazir kimi bu məsələdə mövqeyim dəyişməzdir və heç kəsi təəccübləndirməməlidir”, – deyə Fitso qeyd edib.
Baş nazir Avropa Komissiyasının təşəbbüsünü “sanksiya” adlandıraraq onun Rusiya əleyhinə təklif edilən 18-ci sanksiya paketinə daxil olduğunu bildirib. O vurğulayıb ki, bu paket üzrə səsvermə yalnız rus enerji resurslarından imtina təşəbbüsü ilə bağlı risklər aradan qaldırıldıqdan sonra baş tuta bilər.
Qiymət Mahir
