Səudiyyə Ərəbistanı Suriyada humanitar layihələrə başlayır
Səudiyyə Ərəbistanı Suriyada müharibə dağıntılarının aradan qaldırılması və infrastrukturun bərpası üçün yeni layihələr elan edib.
TodayPressTV xəbər verir ki, “Al Arabiya”nın məlumatına görə, Dəməşqdə təqdim olunan paketə paytaxt və ətrafında 75 min kubmetrdən çox dağıntının təmizlənməsi, 34 məktəbin yenidən qurulması, 17 xəstəxananın avadanlıqla təmin olunması, 60-a yaxın çörəkxananın və su-kanalizasiya sistemlərinin bərpası daxildir.
"KSRelief" rəhbəri Abdulla əl-Rabia bildirib ki, layihələr əhalinin təcili ehtiyaclarını qarşılamağa və müharibədən zərər çəkmiş insanlara yardım etməyə yönəlib.
Qiymət Mahir
