Müdafiə nazirinin təyyarəsi radarlardan itdi
Britaniyanın müdafiə naziri Con Hilini daşıyan təyyarə Estoniyadan Böyük Britaniyaya qayıdarkən Rusiya sərhədi yaxınlığında GPS siqnalını itirib.
TodayPress TV xəbər verir ki, bu barədə "The Times" qəzeti məlumat yayıb.
Məlumata əsasən, təyyarə uçuş zamanı radio müdaxiləsi ilə qarşılaşıb və naviqasiya sistemi işləməyib. Siqnalı bərpa etmək üçün avadanlığın yenidən işə salınması lazım olsa da, bunu havada etmək mümkün olmayıb.
Nazirin Estoniyanın cənub-şərqində yerləşən Britaniya hərbçilərini ziyarət etdiyi bildirilir. Təyyarədə onunla birlikdə hərbi və siyasi məsləhətçilər, general-leytenant, iki fotoqraf və bir jurnalist də olub.
Türkan İsgəndərli
