Laos insan alverinə qarşı maarifləndirmə kampaniyasına start verdi

Laos hökuməti xüsusilə həssas qruplar arasında insan alverinə qarşı maarifləndirmə tədbirlərini gücləndirib. Bu məqsədlə ölkənin Əmək və Sosial Rifah Nazirliyi “İnsan Alverinə Qarşı Beynəlxalq Mübarizə Günü” çərçivəsində xüsusi kampaniya keçirib.

TodayPress TV xəbər verir ki, tədbir çərçivəsində insan alverinin yaratdığı təhlükələr, hüquq pozuntuları və sosial təsirləri barədə əhaliyə məlumat verilib. Nazirliyin açıqlamasına görə, kampaniyanın əsas məqsədi insan alverinə qarşı birgə mübarizəni gücləndirmək və qanuni məşğulluğu təşviq etməkdir.

Qeyd edək ki, insan alverinə qarşı beynəlxalq mübarizə günü hər il iyulun 30-da qeyd olunur və bu gün çərçivəsində qlobal əməkdaşlıq və ictimai maarifləndirmə təşviq edilir.

Qiymət Mahir