İran hava məkanını bağlanmasını uzatdı

İran hakimiyyəti ölkə üzərindəki hava məkanının 24 iyun saat 14:00-a (yerli vaxtla) qədər bağlandığını elan edib.

TodayPress TV xəbər verir ki, bu barədə İranın Yol və Şəhərsalma Nazirliyinin nümayəndəsi Məcid Axəvan "IRNA" agentliyinə açıqlama verib.

Onun sözlərinə görə, qərar son hadisələrlə əlaqədar sərnişinlərin və uçuşların təhlükəsizliyini təmin etmək məqsədi daşıyır.

“Son günlər baş verən hadisələri və təhlükəsizlik risklərini nəzərə alaraq, ölkə hava məkanı 24 iyun saat 14:00-dək bağlanır. Vətəndaşlara hava limanlarına getməməyi və reyslərin statusu ilə bağlı məlumatları yalnız rəsmi mənbələrdən izləməyi tövsiyə edirik”, – deyə Axəvan bildirib.

Qiymət Mahir