Əraqçi Dohada HƏMAS liderləri ilə görüşdü
İranın xarici işlər naziri Abbas Əraqçi Dohada HƏMAS liderləri ilə görüşüb və Tehranın Fələstini dəstəklədiyini bildirib.
TodayPress TV xəbər verir ki, bu barədə yerli media məlumat yayıb.
Bildirilib ki, HƏMAS-ın siyasi bürosunun üzvü və Qəzza bölgəsindəki rəhbəri Xəlil əl-Həyyə, eləcə də qrupun rəhbər şurasının və siyasi bürosunun bir sıra üzvləri Dohada səfərdə olan Abbas Əraqçi ilə görüşərək Qəzza bölgəsindəki son siyasi və yerli hadisələri, əsirlərin mübadiləsi məsələsi istiqamətində göstərilən səyləri müzakirə ediblər.
Məlumata görə, Xəlil əl-Həyyə Qəzzanın mühasirəsinin aradan qaldırılması, Fələstin xalqına təcili humanitar yardımın göndərilməsi və başqa məsələlərin zəruriliyindən danışıb.
