Almaniya İranı danışıqlara çağırdı

Almaniyanın xarici işlər naziri Yohan Vadephul, Tehrana açıq mesaj göndərərək, nüvə proqramı ilə bağlı məsələlərin həlli üçün danışıqlara qapının hələ açıq olduğunu bildirib.

TodayPress TV xəbər verir ki, bu barədə "Reuters" məlumat yayıb.

Nazir bildirib ki, Almaniya İranın nüvə proqramı ilə bağlı həll yolu ilə danışıqlara hazırdır. 

Bundan əvvəl İran İslam Respublikasının Ali Rəhbəri Ayətullah Seyid Əli Xamenei bildirib ki, İranın tarixini bilən heç kim bu ölkə ilə təhdid dili ilə danışmamalıdır.

Xatırladaq ki, iyunun 13-nə keçən gecə İsrail İranın nüvə və hərbi obyektlərinə hücum edib. İran isə cavab olaraq İsrailə raketlər atıb. Hazırda İran və İsrail arasında qarşılıqlı zərbələr davam edir.

Türkan İsgəndərli