ABŞ-də daşqınlar nəticəsində ölənlərin sayı 27 nəfərə çatdı

ABŞ-nin Texas ştatında güclü yağışların səbəb olduğu daşqın qurbanlarının sayı 27-yə çatıb.

TodayPress TV-nin məlumatına görə, bu barədə Kerr dairəsi şerifinin ofisi xəbər verib.

Məlumata görə, ştatın mərkəzi hissəsində fəlakət zonasında təxminən 850 nəfər xilas edilib. İtkin düşənlərin axtarışı əməliyyatı davam edir.

Hazırda ölənlərin siyahısında 18 böyük və doqquz uşaq var. Yeddi nəfər, o cümlədən bir uşağın kimliyi hələ də müəyyənləşməyib. Xilasedicilər sel zonasında qalan qızlar şəhərciyindən 20 azyaşlının axtarışlarını davam etdirirlər.