Prezident: Azərbaycan və Qazaxıstan arasında sualtı kabelin tikintisi 2026-cı ilin sonunadək başa çatacaq
"2022-ci ildə Aktau şəhərində Türkiyə, Azərbaycan və Qazaxıstan ərazisindən keçən orta dəhlizin inkişafı və istismarı ilə bağlı "2022-2027-ci illər üçün yol xəritəsi" imzalanıb. Sənəddə üç ölkənin nəqliyyat-logistika infrastrukturunun sinxron inkişafı, əməliyyatların optimallaşdırılması, əlavə yük axınının cəlb edilməsi, vahid tarif siyasətinin tətbiqi, logistika mərkəzləri şəbəkəsinin inkişafı və digər əsas məsələlərin həlli nəzərdə tutulur".
TodayPress TV xəbər verir ki, bu barədə Prezident İlham Əliyev "Kazinform"a müsahibəsində bildirib.
"İnfrastruktur sahəsində mühüm layihələrdən biri də Qazaxıstan ilə Azərbaycan arasında Xəzər dənizinin dibi ilə sualtı fiber-optik rabitə xətlərinin çəkilməsidir. Tikinti müqaviləsi 2025-ci ilin mart ayında Bakıda imzalanıb, işlərin başa çatdırılması 2026-cı ilin sonuna planlaşdırılıb ki, bu da rəqəmsal inteqrasiyanı gücləndirəcək", - dövlət başçısı vurğulayıb.
