UEFA Gənclər Liqası: “Qarabağ” hakimlərini tanıdı
UEFA Gənclər Liqasının Liqa mərhələsinin II turunda Bakıda “Qarabağ”la Danimarkanın “Kopenhagen” klubu arasında keçiriləcək oyunun hakim təyinatları açıqlanıb.
TodayPress TV xəbər verir ki, oyunu Belarusdan olan hakimlər briqadası idarə edəcək.
Matçın baş hakimi Amin Kurqxeli olacaq. Ona laysmanlar Yuri Xomçanka və Viktor Qeçikov kömək edəcəklər. Dördüncü hakim funksiyasını isə azərbaycanlı Fərid Hacıyev yerinə yetirəcək.
Qeyd edək ki, “Qarabağ” – “Kopenhagen” oyunu sentyabrın 30-da “Azersun Arena”da keçiriləcək.
Namiq HUN
