"AccessBank" I yarımil üzrə maliyyə hesabatını açıqladı

Azərbaycanda mikro sahibkarlığın kreditləşməsi bazarının lideri olan "AccessBank" QSC bu ilin I yarısı üzrə maliyyə nəticələrini açıqlayıb.

TodayPress TV bu barədə Bankın maliyyə hesabatına istinadən xəbər verir.

Ətraflı məlumat əldə etmək üçün: https://bit.ly/423QT61

Bank yanvar-iyun aylarında 20,9 milyon manat xalis mənfəət əldə edib. Aktivlərin həcmi isə ötən ilin analoji dövrü ilə müqayisədə 8,3 % və yaxud 123,3 milyon manat artaraq 1,6 milyard manata çatıb.

Sözügedən artımın əsas səbəbi kimi kredit portfelinin, xüsusən biznes kreditlərinin artımı, depozitorların banka inamının artması, habelə yeni beynəlxalq kreditlərin cəlb edilməsi qeyd oluna bilər. Belə ki:

- Kredit portfeli ötən ilin analoji dövrü ilə müqayisədə 13,3 % və yaxud 143,7 milyon manat artıb və hesabat dövrünün sonuna 1 milyard 224,6 milyon manat təşkil edib.

- Kredit portfelinin 76,8 %-ni biznesə ayrılmış kreditlər təşkil edir ki, bu da 940,4 milyon manatdır. Ötən ilin analoji dövrü ilə müqayisədə biznes portfeli 11,7 % və yaxud 98,9 milyon manat artıb.

- Depozit portfelinin məbləği 1 milyard manatdan yüksəkdir və hesabat dövrün sonuna 1 milyard 66,9 milyon manat təşkil edir.

- "AccessBank" hesabat dövründə beynəlxalq nüfuzlu xarici kreditorlardan 32,5 milyon manat ekvivalentində kredit cəlb edib. Nəticədə, beynəlxalq maliyyə institutlarından cəlb edilmiş vəsaitlərin qalığı 135,4 milyon manata çatıb.

- Əlavə olaraq, beynəlxalq maliyyə qurumlarının Bankla uzunmüddətli əməkdaşlığı çərçivəsində 10 milyon ABŞ dolları subordinasiya olunmuş borc öhdəliyi cəlb edilib.

- I yarımildə Bankın məcmu kapitalı ötən ilin analoji dövrü ilə müqayisədə 23 % və yaxud 38,6 milyon artaraq 205,9 milyon manata yüksəlib ki, bu da requlyativ tələbdən 4,1 dəfə çoxdur. Artımın əsas səbəbi generasiya edilən mənfəət və kapital elementi olan xaricdən cəlb olunmuş subordinasiya olunmuş kredit borcudur.

- Faiz gəlirləri ötən ilin müvafiq dövrü ilə müqayisədə 12,6 % artaraq 121,3 milyon manat təşkil edib. Xalis faiz gəlirləri isə 7,1 milyon artaraq 74 milyon manat təşkil edir.

- Yanvar-iyun aylarında xalis əməliyyat mənfəəti isə 34,2 milyon manat təşkil edib.

- Bankın likvidlik mövqeyi dayanıqlıdır və likvidlik əmsalı 74,05 % təşkil edir ki, bu da AMB-ın tələb etdiyi minimum normadan 2,5 dəfə yüksəkdir.

"AccessBank" Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 22-i bölgələrdə olmaqla, 36 filialı fəaliyyət göstərir və MKOB-lar üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat linkdə təqdim edilir: http://bit.ly/accessbank-filiallar .

Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına və ya bankın müxtəlif sosial şəbəkələrdə olan səhifələrinə (Facebook, Instagram, LinkedIn) müraciət edə bilərsiniz.

*AccessBank" Azərbaycan Mərkəzi Bankının verdiyi 25 oktyabr 2002-ci il tarixli 245 saylı lisenziya əsasında fəaliyyət göstərir. Bankın Baş ofisi Bakı şəhəri, Yasamal rayonu, Tbilisi prospekti, 3 ünvanında yerləşir.