Boks üzrə keçmiş dünya çempionu 47 yaşında vəfat etdi
Boks üzrə bir neçə çəki dərəcəsində dünya çempionu olmuş argentinalı Alexandra Oliveras 47 yaşında vəfat edib.
TodayPress TV xəbər verir ki, bu barədə "TyC Sports" məlumat yayıb.
Məşhur idmançı 14 iyul tarixində keçirdiyi işemik insultdan sonra Argentina Respublikasının Santa-Fe şəhərindəki xəstəxanaya yerləşdirilmişdi. Həkimlər onda beyndaxili hipertenziya (təzyiq artımı) diaqnozu qoyublar. İddialara görə, vəziyyətinin ağırlaşmasına səbəb əvvəllər keçirdiyi plastik cərrahiyyə əməliyyatı ola bilər.
Karyerası ərzində Alexandra Oliveras 33 qələbə, 3 məğlubiyyət qazanmış, 2 döyüş isə heç-heçə nəticələnmişdi. O, ümumilikdə 6 dünya çempionu kəməri qazanmağa nail olmuşdu.
Töhfə Səməd
