Azərbaycanın pley-off həyəcanı: rəqib Qazaxıstandır!
Bu gün Slovakiyada təşkil olunan Avropa çempionatında 1/8 final mərhələsinin oyunları keçiriləcək.
TodayPress TV xəbər verir ki, minifutbol üzrə Azərbaycan yığma komandası bu mərhələdə Qazaxıstan millisi ilə qarşılaşacaq.
Azərbaycan - Qazaxıstan matçının qalibi 1/4 final mərhələsində Çexiya - Monteneqro qarşılaşmasının güclüsü ilə üz-üzə gələcək.
“Tipos Arena”da keçiriləcək görüş Bakı vaxtı ilə saat 23:59-da başlayacaq.
Qeyd edək ki, millimiz qrup mərhələsində Avstriya (1:0), İtaliya (3:2) və Fransa (3:2) yığma komandalarını məğlub edərək F qrupunun qalibi olub.
Avropa çempionatı iyunun 4-də başa çatacaq.
Namiq HUN
