Zelenski Maya Sandunu təbrik etdi
Ukrayna Prezidenti Volodimir Zelenski Moldovanın Prezidenti Maya Sandunu qələbəsi münasibətilə təbrik edib.
TodayPress TV xəbər verir ki, bu barədə o, "Telegram" kanalında paylaşım edib.
Zelenski həmçinin bildirib ki, Rusiya bu seçkilərdə Moldovada “təxribatçı fəaliyyət və dezinformasiya” həyata keçirməyə çalışsa da, buna nail ola bilməyib. Onun sözlərinə görə, Ukrayna daim Moldovanı dəstəkləyəcək.
Qeyd edək ki, Moldova parlament seçkilərində rəsmi nəticələrə görə, Maya Sandunun rəhbərlik etdiyi Avropayönlü qüvvələr qalib gəlib.
Türkan İsgəndərli
