Suriya hökuməti və SDQ arasında atəşkəs əldə olundu
Suriya Müdafiə Nazirliyi ölkənin şimal və şimal-şərqində Suriya Demokratik Qüvvələri (SDQ) ilə bütün cəbhə xəttində hərtərəfli atəşkəs barədə razılığa gəldiklərini açıqlayıb.
TodayPress TV xəbər verir ki, bu barədə "SANA" agentliyi məlumat yayıb.
Razılıq Dəməşqdə müdafiə naziri Morhef Əbu Qəsrə və SDQ-nin baş komandanı Məzlum Abdi arasında keçirilən görüşdə əldə olunub.
Nazir bildirib ki, atəşkəs bütün istiqamətlərdə və hərbi mövqelərdə dərhal qüvvəyə minəcək.
Qeyd edək ki, avqust və sentyabr aylarında tərəflər arasında gərginlik artıb, qarşılıqlı atəşkəs pozuntuları və toqquşmalar qeydə alınıb.
Türkan İsgəndərli
