Qırğızıstan lideri eks-prezidentə qarşı hökmü ağır adlandırdı

Qırğızıstan prezidenti Sadır Japarov keçmiş prezident Almazbek Atambayevə çıxarılan məhkəmə hökmünün çox sərt olduğunu bildirib. 

TodayPress TV xəbər verir ki, o, hökmün daha yüngül ola biləcəyini deyib.

Onun sözlərinə görə, cərimə və ya sınaq müddəti ilə kifayətlənmək olardı. 

Japarov vurğulayıb ki, bu onun şəxsi fikridir və məhkəmələrin işinə qarışmaq hüququ yoxdur. O əlavə edib ki, hökm qanunsuz sayılırsa, yuxarı instansiyalara şikayət verilə bilər. Prezident həmçinin qeyd edib ki, lazım olarsa, amnistiya hüququndan istifadə edə bilər.

Türkan İsgəndərli