Netanyahu: "Girovlar qaytarılmadan sülh planı başlamayacaq"
Bütün girovlar - həm sağ, həm də ölü olanlar İsrailə qaytarılmayana qədər ABŞ Prezidenti Donald Trampın Qəzzaya dair sülh planının digər mərhələlərinə başlanmayacaq.
TodayPress TV xarici mediaya istinadən xəbər verir ki, bunu İsrail Baş naziri Benyamin Netanyahu deyib.
O vurğulayıb ki, əgər HƏMAS Trampın müəyyən etdiyi müddətdə girovları azad etməsə, İsrail tam hərbi dəstəklə Qəzzada əməliyyatlara yenidən başlayacaq.
Netanyahu, həmçinin qeyd edib ki, Qəzzanın demilitarizasiyasına görə məsuliyyət yalnız İsrailin üzərinə düşəcək. Baş nazirin sözlərinə görə, nə HƏMAS, nə də Fələstin muxtariyyətinin nümayəndələri Qəzzanı idarə edə biləcək.
Jalə Rövşən
