Meksika ABŞ-yə poçt göndərişlərini dayandırdı

Meksika hökuməti ABŞ-nin yeni gömrük qaydaları səbəbilə bu ölkəyə ediləcək poçt göndərişlərini müvəqqəti olaraq dayandırdığını açıqlayıb.

TodayPress TV xəbər verir ki, bu barədə Meksikanın milli poçt xidməti "Correos de Mexico" açıqlama verib.

Bunun səbəbi isə ABŞ Prezidenti Donald Tramp administrasiyasının aşağı dəyərli bağlamalara tətbiq edəcəyi yeni gömrük rüsumlarıdır.

Qeyd edək ki, Trampın iyulun 30-da imzaladığı fərmana əsasən, avqustun 29-dan etibarən dəyəri 800 dollardan aşağı olan ixrac mallarına tətbiq edilən gömrük vergisi azadolması ləğv olunur. Lakin dəyəri 100 dollardan aşağı olan məktub, sənəd və hədiyyəlik əşyalar gömrük vergisindən azad olunmağa davam edəcək.

Xatırladaq ki, Avstraliya və Hindistanın da daxil olduğu bir sıra ölkələr yeni gömrük qaydaları səbəbilə ABŞ-yə ediləcək poçt göndərişlərinin böyük hissəsini dayandıracaqlarını açıqlamışdılar.

Aysel Mətləb