Erməni deputatın həbs müddəti üç ay uzadıldı

Ermənistan parlamentində "Ermənistan" fraksiyasının üzvü olan deputat Artur Sarkisyanın həbs müddəti daha üç ay uzadılıb. 

TodayPress TV xəbər verir ki, bu barədə qərarı İrəvan məhkəməsinin hakimi Karen Farxoyan verib.

Hakimin sözlərinə görə, Sarkisyanın istintaqın gedişinə müdaxilə riski var və onun barəsində alternativ qətimkan tədbiri yetərli olmayacaq.

Qeyd edək ki, bu qərar "Müqəddəs Mübarizə" hərəkatının iştirakçılarına qarşı irəli sürülən ittihamlar çərçivəsində verilmiş növbəti həbs qərarıdır. Bundan öncə, eyni cinayət işi üzrə daha bir neçə şəxs – Lidiya Mantaşyan, arxiyepiskop Baqrat Qalstanyan, Arman İsraelyan və Vaagn Çaxalyan barəsində də həbs müddəti üç ay uzadılmışdı.

Töhfə Səməd