Çin yeni nəsil J-36 qırıcısını təqdim etdi
Çin yeni VI nəsil J-36 qırıcı təyyarəsini təqdim edib.
TodayPress TV xəbər verir ki, Çin KİV-in məlumatına görə, J-36 mövcud V nəsil təyyarələrdən xeyli böyük və ağırdır.
Onun uzunluğu təxminən 23 metr, çəkisi isə 45–54 ton arasındadır. Müqayisə üçün, J-20-nin çəkisi 34–37 ton, Rusiya Su-57-nin isə 37 tondur.
Yeni təyyarə artıq sınaq uçuşlarından keçib və üç mühərrikli quruluşu ilə fərqlənir. Bu, ona daha yüksək sürətlə uçmaq və daha ağır yükləri uzaq məsafələrə daşımaq imkanı verir. Lakin bu xüsusiyyət yanacaq sərfiyyatını artırır və texniki xidmətini çətinləşdirir.
Ekspertlər hesab edirlər ki, J-36-nın təqdimatı ABŞ və onun Cənub-Şərqi Asiyadakı müttəfiqlərinə siyasi mesaj xarakteri daşıyır.
Jalə Rövşən
