ABŞ vətəndaşlarını Yaxın Şərq ölkələrindən çıxarır

ABŞ prezidenti Donald Tramp bildirib ki, administrasiyası İran və İsrail arasında artan gərginlik fonunda Amerika vətəndaşlarının Yaxın Şərqdən çıxarılmasına kömək etməyə çalışır.

TodayPress TV xəbər verir ki, o, bu barədə jurnalistlərə açıqlamasında deyib.

Onun sözlərinə görə, kommersiya uçuşlarının ləğvi şəraitində hökumət alternativ yollar üzərində işləyir.

İyunun 15-də ABŞ Dövlət Departamenti vətəndaşlara İranı quru yolu ilə dərhal tərk etməyi tövsiyə edib.

Xatırladaq ki, iyunun 13-nə keçən gecə İsrail İranın nüvə və hərbi obyektlərinə hücum edib. İran isə cavab olaraq İsrailə raketlər atıb. Hazırda İran və İsrail arasında qarşılıqlı zərbələr davam edir.

Türkan İsgəndərli