ABŞ və Ukrayna hərbi müqavilələr imzaladı
ABŞ Ukrayna ilə ümumi dəyəri 36 milyon dollar olan iki hərbi müqavilə bağlayıb.
TodayPress TV xəbər verir ki, bu barədə Pentaqon məlumat yayıb.
Birinci müqavilə Sierra Nevada "Corp" şirkəti ilə imzalanıb və 15 milyon dollar dəyərindədir. Bu müqavilə Ukrayna Hərbi Dəniz Qüvvələrinə pilotsuz uçuş aparatlarına (dronlara) qarşı müdafiə proqramının həyata keçirilməsində kömək edəcək. Şirkət sistemlərə texniki dəstək vermək üçün ekspertlər göndərəcək.
İkinci müqavilə isə "Knight's Armament Co" şirkəti ilə imzalanıb. Bu razılaşmaya əsasən, Ukrayna ordusu 2027-ci ilə qədər 21,3 milyon dollarlıq "M110" snayper tüfəngləri alacaq.
Türkan İsgəndərli
