Azərbaycanın ÜPİ İdarəetmə Şurasına namizədliyi nəzərdən keçiriləcək

7-19 sentyabr tarixlərində Birləşmiş Ərəb Əmirliklərinin Dubay şəhərində keçiriləcək Ümumdünya Poçt İttifaqının (ÜPİ) 28-ci Konqresində Azərbaycan təmsil olunacaq.

Bu barədə TodayPress TV-yə "Azərpoçt" MMC-dən məlumat verilib.

Məlumata görə, konqreslə bağlı Bakıda hazırlıq tədbiri keçirilib.

Hazırlıq tədbirində “Azərpoçt” MMC-ni İdarə heyətinin vəzifəsini icra edən İsi Mustafayev və İdarə heyətinin üzvü Elgün Rəsulov təmsil edib.

Qeyd edilib ki, Azərbaycanın ÜPİ-nin İdarəetmə və Poçt Əməliyyatları Şurasına 2026-2029-cu illər üçün namizədliyi irəli sürülüb.

Konqresdə Azərbaycanın təşkilatın İdarəetmə Şurasına, eləcə də Poçt Əməliyyatları Şurasına namizədliyi nəzərdən keçiriləcək.