“Rabitəbank”ın səhmdarlarının pay bölgüsü dəyişdi

“Rabitəbank” ASC-nin səhmdarlarının pay bölgüsü dəyişib.

TodayPress TV xəbər verir ki, bankın səhmdarlarından biri olan Validə Maarif qızı Abasova bankda əlavə səhmlər alıb.

Əldə edilmiş səhmlərin həcmi 246,631 və ya 25.13% təşkil edib. Bu səhmlərin hər biri isə 20.29 manat nominal dəyərdədir.

Bununla da, Seyran Əlibaba oğlu Nuriyevin 14,8 milyon manatlıq və ya 14.51 faizlik payı Validə Abbasovaya ötürülüb və onun bankın ümumi nizamnamə kapitalındakı payı 20.13%-dən 34.64%-ə yüksəlib. Bankın digər səhmdarlarının payı isə dəyişməz qalıb.

Qeyd edək ki, "Rabitəbank"ın səhmlərinin 40,6%-I Əliyev Rauf Zeynal oğluna, 14,45%-i bankın Müşahidə Şurasının sədri Nuriyev Zakir Əlibaba oğluna, 9,11%-i isə Nuriyeva Dilarə Nəsrəddin qızına aiddir.

(APA)