Azərbaycan Mərkəzi Bankı aktivlərini 5 % artırdı

Bu il yanvarın 1-nə Azərbaycan Mərkəzi Bankının (AMB) aktivləri 36 milyard 519,931 milyon manat təşkil edib. 

TodayPress TV qurumun maliyyə hesabatına istinadən xəbər verir ki, bu, ötən il yanvarın 1-nə nisbətən 5 % çoxdur. 

AMB-nin aktivlərinin 25 milyard 843,927 milyon manatını borc qiymətli kağızları (illik müqayisədə 4,5 % az), 8 milyard 588,695 milyon manatını pul vəsaitləri və onların ekvivalentləri (52,6 % çox), 1 milyard 129,358 milyon manatını isə Beynəlxalq Valyuta Fondu (IMF) ilə hesablaşmalar (6,5 % az) təşkil edib.