Arne Slot: “Kyeza meydanda ən çox çalışan futbolçu idi”
“Liverpul” klubunun baş məşqçisi Arne Slot İngiltərə Liqa Kubokunun 1/16 final mərhələsində “Sauthempton”a qarşı keçirilən (2:1) oyundan sonra komandasının və xüsusilə Federiko Kyezanın çıxışını dəyərləndirib.
TodayPress TV xəbər verir ki, bu barədə klubun rəsmi saytı məlumat yayıb.
“Komandanın ilk dəfə birgə oynadığı, uzun müddət meydanda görünməyən futbolçuların olduğu bir matçda ideal oyun göstərməsini tam qəbul edə bilmirəm. Amma mənim üçün əsas olan oyunçuların səyi və çalışqanlığıdır. Təsadüfi deyil ki, ilk qolumuzda Federiko topu götürüb məhsuldar ötürmə verdi. O, oyunda ən çox iştirak edən, ən çox çalışan futbolçu idi. Həmçinin təsadüfi deyil ki, o, Robertsonun əla ötürməsindən sonra irəliyə çıxdı. Bu, heyətə qayıtmaq və ya istədiyin qədər oyun vaxtı qazanmaq yoludur. Bəzi fərdi çıxışlardan razı qaldım, amma digərlərindən ümumiyyətlə razı deyildim”.
Qeyd edək ki, “Liverpul” “Sauthempton” üzərində 2:1 hesablı qələbə qazanaraq növbəti mərhələyə adlayıb.
Namiq HUN
