Zaqatala sakininin traktoru yandı

Zaqatalada traktor yanıb.

TodayPress TV xəbər verir ki, hadisə axşam saat 17 radələrində rayonun Dağlı kəndinin inzibati ərazisindəki fındıq bağında baş verib.

Rayon sakini Vahid Ramazan oğlu İbrahimov idarə etdiyi T-80 markalı arxasına otbiçən aqreqat qoşulan traktorla iş görən zaman texnika anidən alışıb.

Yanğının ətraf ərazilərə keçməsinin qarşısı alınıb. Yanğın nəticəsində traktorun yanar konstruksiyaları tam yanıb.

Yanğın zamanı xəsarət alan olmayıb. 

Faktla bağlı araşdırma aparılır.