İrandan Gürcüstana narkotik vasitə keçirən şəxs saxlanıldı

İrandan Azərbaycan üzərindən Gürcüstana 200 kiloqram heroin gətirən əcnəbi barəsində məhkəmə həbs qətimkan tədbiri seçib.

TodayPress TV  "Teleqraf"a istinadən  xəbər verir ki, Tiflis Şəhər Məhkəməsi Baş Prokurorluğun vəsatətini təmin edib.

Məlumata görə, təqsirləndirilən İran vətəndaşı ittihamı qəbul etmir. Onun vəkili bildirib ki, nə yük maşını, nə də daşınan yük müştərisinə məxsus olmayıb.

İstintaq müəyyən edib ki, heroin Bolqarıstana göndərilməli imiş.

Xatırladaq ki, narkotik vasitə Gürcüstan-Azərbaycan sərhədində yerləşən “Qırmızı körpü” sərhəd-keçid məntəqəsində aşkarlanıb. Balıq yemi ilə yüklənmiş yük maşınına baxış zamanı 8 kisədə ümumilikdə 200 kiloqram heroin tapılıb. Onun “qara bazar” dəyəri 50 milyon dollardan çox qiymətləndirilir.

Jalə Rövşən

TodayPress TV