31 dərəcə isti olacaq - SABAHIN HAVASI

Bakıda və  Abşeron yarımadasında mayın 23-ü hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi səhər cənub-şərq küləyi ilə əvəz olunacaq. 

Bu barədə TodayPress TV-yə Milli Hidrometeorologiya Xidmətindən məlumat verilib. 

Bildirilib ki, havanın temperaturu gecə 15-17° isti, gündüz 24-29° isti olacaq. Atmosfer təzyiqi 765 mm civə sütunundan 761 mm civə sütununa enəcək.

Nisbi rütubət gecə 70-75 %, gündüz 45-50 % olacaq. 

Azərbaycanın rayonlarında hava şəraiti əsasən yağmursuz olacaq.

Bəzi yerlərdə arabir duman. Şərq küləyi əsəcək.  Havanın temperaturu gecə 13-18° isti, gündüz 26-31° isti, dağlarda gecə 5-10° isti, gündüz 15-20° isti olacaq.