Eşitmə hüceyrələri bərpa edilə biləcək

ABŞ-nin Stouers Tibbi Tədqiqatlar İnstitutunun alimləri zebra balığında eşitmə və tarazlığa cavabdeh hüceyrələrin necə bərpa olunduğunu öyrəniblər. 

TodayPress TV xəbər verir ki, tədqiqat "Nature Communications" jurnalında dərc olunub.

Araşdırmaya görə, zebra balığında zədələnmiş "saç" hüceyrələri – insanlarda eşitmə və balans üçün vacib olan iki fərqli genin nəzarəti ilə bərpa olunur. İnsanlarda bu hüceyrələr zədələndikdə bərpa olunmur və bu da daimi eşitmə itkisinə səbəb olur.

Zebra balıqları bu hüceyrələri təbii yolla yeniləyə bilir. Alimlər, balığın bədənində yerləşən neyromast adlı hiss orqanlarında iki növ köməkçi hüceyrə aşkarlayıblar: biri kənar kök hüceyrələr, digəri isə tük hüceyrələrinin prekursorlarıdır. Hər iki hüceyrə qrupu "siklinD" adlı genin fərqli versiyası ilə idarə olunur.

Maraqlısı budur ki, bu genlərdən biri deaktiv edildikdə, yalnız onun nəzarət etdiyi hüceyrə qrupu bölünməyi dayandırır. Bu da o deməkdir ki, eyni orqandakı hüceyrələr belə fərqli şəkildə tənzimlənə bilər.

Alimlər qeyd edirlər ki, genlərin düzgün birləşməsi ilə itirilmiş hüceyrə funksiyası yenidən aktivləşdirilə bilər. Tədqiqatçılar bu mexanizmin insanlarda da tətbiq edilə biləcəyinə ümid edir.

Türkan İsgəndərli