Əlilliyi olan şəxslər üçün xüsusi qərar — Yeni binalar belə tikiləcək
“Yaşayış binaları ilə yanaşı, xüsusilə evlərin yerləşdiyi ərazilərdə sosial təminat ehtiyacları – məktəb, ibadətgah, parklar, eləcə də su, ətraf mühit və çirkab suları kimi məsələlər daha çox bələdiyyələri maraqlandırır. Təbii ki, davamlı yaşayış yerləri tikmək və bu evlərdə yaşamaq lazımdır”.
TodayPress TV xəbər verir ki, bunu Ümumdünya Şəhərsalma Forumunun çərçivəsində keçirilən "Yerli həllərin miqyasının artırılması: Siyasət, idarəetmə və maliyyələşmə yolları" adlı paneldə çıxış edən Türkiyə Böyük Millət Məclisinin İctimai İşlər, Yenidənqurma, Nəqliyyat və Turizm Komitəsinin sədri Adil Karaismailoğlu deyib.
Komitə sədri diqqətə çatdırıb ki, mənzil təkcə tikinti deyil, həm də infrastrukturun ayrılmaz bir hissəsidir:
“Biz mənzili həmişə konstitusion bir haqq olaraq görürük. Məskunlaşma hüququ konstitusion bir hüquqdur və insan haqqıdır. Bunu təmin etmək isə dövlətin və idarəetmə orqanlarının vəzifəsidir. Biz bu istiqamətdə vacib işlər görürük”.
Adil Karaismailoğlu Türkiyədə mənzil ehtiyacını ödəmək üçün fəaliyyət göstərən Toplu Mənzil İdarəsindən (TOKİ) də bəhs edib:
“Türkiyədə mənzil ehtiyacını ödəmək üçün Toplu Mənzil İdarəsi adlı bir qurumumuz var. TOKİ son 20 il ərzində 1 milyon 760 mindən çox yaşayış binası inşa edərək vətəndaşlara təslim edib. Yəni 6 milyona yaxın vətəndaşımız məhz Toplu Mənzil İdarəsinin inşa etdiyi binalarda, mənzillərdə yaşayır”.
Çıxışının sonunda Komitə sədri yaşayış sahələrində əlçatanlıq və əlilliyi olan şəxslərin hüquqlarının vacibliyini qeyd edib:
“Təbii ki, binalar tikilərkən insanların ora rahat çıxışı da son dərəcə vacibdir. Xüsusilə də bu imkanlar yaradılarkən, əlilliyi olan şəxslərin də maneəsiz hərəkətini təmin etmək bizim ən əsas vəzifələrimizdən biridir”.
Qiymət Mahir
