PSJ Donnarummanı satışa çıxardı

“Pari Sen-Jermen” klubu italiyalı qapıçısı Canluici Donnarummanın transferi üçün 26 milyon funt sterlinq (təxminən 30 milyon avro) tələb edir. 

TodayPress TV xəbər verir ki, bu barədə insayder Ben Ceykobs sosial şəbəkə “X”də məlumat yayıb.

Bildirilir ki, Donnarumma karyerasını İngiltərə Premyer Liqasında davam etdirmək istədiyi üçün Türkiyənin “Qalatasaray” və Səudiyyə Ərəbistanının “Əl-İttihad” klublarından gələn sərfəli təklifləri qəbul etməyib. 

Qeyd edək ki, daha əvvəl Donnarumma ilə PSJ arasında yeni müqavilə ilə bağlı danışıqlar nəticəsiz qalıb. Klub rəhbərliyi 26 yaşlı qapıçını satışa çıxarmaq qərarına gəlib və onun əvəzində “Lill”dən Luka Şevalyeni transfer edəcək.

Namiq HUN