“Kəpəz” mininci rəsmi oyununu keçirdi
“Kəpəz” klubu müstəqillik illərində mininci rəsmi oyununu keçirib.
TodayPress TV Peşəkar Futbol Liqasının mətbuat xidmətinə istinadən xəbər verir ki, Premyer Liqanın IV turu Gəncə təmsilçisi üçün əlamətdar olub.
“Kəpəz” klubu yubiley matçında “Araz-Naxçıvan”a (0:2) uduzub. Komanda 1992-ci ildən indiyədək Premyer Liqada (əvvəl güclülər dəstəsi) 686, I Liqada (əvvəl birinci divizion) 177, ölkə kubokunda 110, avrokuboklarda 14, Birlik Kubokunda 13 matça çıxıb.
Komanda bu görüşlərdə 415 qələbə qazanıb, 209 oyunda xal bölgüsünə razılaşıb, 376 matçda isə uduzub.
Yalnız 2006-2009-cu illərdə üç mövsüm fəaliyyətini dayandıran “Kəpəz” müstəqillik illərindəki oyun sayında təkcə “Qarabağ” və “Neftçi”dən geri qalır.
Namiq HUN
