DÇ-2026: Ançelotti Braziliyanı final mərhələsinə çıxartdı

Cənubi Amerikada DÇ-2026-nın seçmə mərhələsinin başa çatmasına iki tur qalmış vaxtından əvvəl vəsiqə qazanan iki milli komanda bəlli olub.

TodayPress TV xəbər verir ki, Braziliya və Ekvador milliləri final mərhələsinə yüksəliblər. 

Pentakampeonlar Paraqvay yığmasına (1:0) qalib gəlib. Ekvador komandası isə Peru millisi ilə bərabərə qalıb 0:0. 

Nəticədə Braziliya və Ekvador milliləri hərəyə 25 xal toplayaraq mundialın final mərhələsinə yüksəliblər. Onların sıralamanın yeddincisi olan Venesueladan 7 xallıq ayrılığa nail olmaları hər iki komandaya 2026-cı ildə ABŞ, Kanada və Meksikada keçiriləcək dünya çempionatına birbaşa vəsiqə qazanmaq hüququ verir.

Namiq HUN