Gəncədə avtomobillər toqquşdu - Xəsarət alanlar var
Gəncə şəhərində yol-nəqliyyat hadisəsi baş verib.
TodayPress TV-nin məlumatına görə, hadisə Şah İsmayıl Xətai prospektində qeydə alınıb.
Hərəkətdə olan “Chevrolet” və “Mercedes” markalı minik avtomobilləri toqquşub. Qəza nəticəsində iki nəfər xəsarət alaraq xəstəxanaya yerləşdirilib.
Hadisə yerinə DYP əməkdaşları cəlb olunub. Faktla bağlı araşdırma aparılır.
