Tramp seçki saxtakarlığı ilə bağlı fərman imzalayacaq

ABŞ Prezidenti Donald Tramp ölkədə seçki saxtakarlığının qarşısının alınması üçün bir sıra tədbirləri nəzərdə tutan fərman imzalamaq niyyətindədir.

TodayPress TV xəbər verir ki, Amerika lideri bu barədə “Truth Social” hesabında məlumat verib.

"Hər seçkidə seçici vəsiqələri olmalıdır. İstisna yoxdur! Bununla bağlı fərman imzalayacağam! Ağır xəstələr və ya uzaq məsafədə olan hərbi qulluqçular istisna olmaqla, poçtla səsvermə yoxdur. Yalnız kağız bülletenlər", - deyə Tramp qeyd edib.

Vaşinqton administrasiyasının rəhbəri ABŞ seçki sistemində islahatlar aparmaq və poçt vasitəsilə səsvermədən imtina etmək niyyətində olduğunu bildirib.