Paşinyan Ərdoğanı təbrik etdi

Ermənistanın Baş naziri Nikol Paşinyan və Türkiyə prezidenti Rəcəb Tayyib Ərdoğan telefon danışığı aparıblar. 

TodayPress TV xəbər verir ki, bu barədə Ermənistan Nazirlər Kabinetinin mətbuat xidməti məlumat yayıb.

Danışıq zamanı Paşinyan Ərdoğanı Qurban bayramı münasibətilə təbrik edib, Türkiyə prezidenti isə Paşinyanı 2026-cı ilin yazında Ermənistanda keçiriləcək Avropa Siyasi Birliyi sammiti münasibətilə təbrik edib.

Tərəflər Ermənistan-Türkiyə münasibətləri və regional məsələləri müzakirə ediblər. Dialoqun davam etdirilməsi barədə razılıq əldə olunub.

Qeyd edək ki, liderlər arasında əvvəlki telefon danışığı 2024-cü ilin iyununda baş tutub.

Türkan İsgəndərli