Laosda Əczaçılıq və Tibbi Məhsullar Assosiasiyası təsis olundu

Laosda Əczaçılıq və Tibbi Məhsullar Biznes Assosiasiyası rəsmi olaraq fəaliyyətə başlayıb. Yeni qurumun məqsədi sənayenin inkişafını gücləndirmək, biznesin böyüməsinə töhfə vermək və ölkənin sosial-iqtisadi inkişafına dəstək göstərməkdir.

TodayPress TV xəbər verir ki, təqdimat mərasimində Assosiasiyanın rolu, hüquqları və vəzifələri ictimaiyyətə açıqlanıb.

Tədbirdə həmçinin sektorun gücləndirilməsini və milli inkişafa töhfəsini artırmağı hədəfləyən strateji fəaliyyət planı müzakirə edilib.

Assosiasiyanın prezidenti Vali Vetsaphong çıxışı zamanı bildirib ki, bu təşəbbüs əczaçılıq və tibbi məhsullar sahəsində fəaliyyət göstərən müəssisələr, fabriklər və sahibkarlar arasında əməkdaşlığı təşviq etməyə yönəlib: “Məqsədimiz bu sahədə maksimum fayda əldə etmək və onun Laosun sosial-iqtisadi inkişafına verdiyi töhfəni artırmaqdır”.

40-dan çox üzv şirkəti birləşdirən yeni assosiasiya dövlət və özəl sektorun güclü dəstəyi ilə fəaliyyət göstərəcək. Qurumun innovasiya, keyfiyyət standartları və ümumilikdə sənaye artımında önəmli rol oynayacağı gözlənilir.

Qiymət Mahir