Kambocada vətəndaşlıqdan məhrumetmə qanunu qəbul edildi

Kamboca Milli Assambleyası avqustun 25-də xarici ölkələrlə əməkdaşlıq edən şəxslərin vətəndaşlıqdan məhrum edilməsinə imkan verən qanun yekdilliklə təsdiqlənib. 

TodayPress TV xəbər verir ki, qanun layihəsi Milli Assambleyada iştirak edən 120 deputatın hamısının dəstəyi ilə qəbul olunub. 

İnsan haqları təşkilatları bu qanunun dissidentlərin susdurulması üçün istifadə ediləcəyindən narahatlıqlarını bildiriblər. 

Qeyd edək ki, 50-dən çox təşkilatın daxil olduğu koalisiya qanunun nəticələri barədə xəbərdarlıq edən bəyanat yayıb. Onların fikrincə, bu addım Kambocalıların ifadə azadlığına dağıdıcı təsir göstərə bilər. 

Qanun bundan sonra dövlət başçısı tərəfindən imzalanmaq və yuxarı palatada təsdiqlənmək üçün təqdim olunacaq. Hər iki prosedur isə sadəcə formal xarakter daşıyır. 

Aysel Mətləb