İspaniyada güclü zəlzələ baş verdi

İspaniyanın cənub-şərq sahillərində 5,5 bal gücündə zəlzələ qeydə alınıb. 

TodayPress TV xəbər verir ki, bu barədə Milli Coğrafiya İnstitutu məlumat yayıb.

Məlumata görə, yeraltı təkanların episentri Aralıq dənizində, Palos burnu yaxınlığında, ocağı isə təxminən 2 kilometr dərinlikdə yerləşib. Zəlzələ yerli vaxtla saat 07:13-də (Bakı vaxtı ilə 08:13) baş verib.

Kütləvi informasiya vasitələrinin yaydığı xəbərlərə əsasən, zəlzələ Mursiya və Əndəlus muxtar icmalarında hiss olunub. Tələfat və dağıntılar barədə məlumat verilməyib.

Hazırda aidiyyəti qurumlar vəziyyəti nəzarətdə saxlayır və əlavə məlumatların yayılacağı gözlənilir.

Türkan İsgəndərli