İran İsraildəki şəxsi CCTV kameralarından məlumat toplamağa çalışır

İran İsrail haqqında real vaxt rejimində məlumat toplamaq üçün İsraildəki şəxsi müşahidə kameralarından istifadə etməyə başlayıb.

TodayPress TV xəbər verir ki,  bu barədə “Bloomberg” yazıb. 

“Biz bilirik ki, son iki-üç gündə iranlılar zərbələrinin dəqiqliyini artırmaq üçün nə baş verdiyini və raketlərinin hara düşdüyünü anlamaq üçün kameralara qoşulmağa çalışırlar”,- deyə İsrail Milli Kiber Direktorluğunun keçmiş baş direktor müavini Rafael Franko bildirib.  

Qeyd olunub ki, CCTV kameraları bazarı böyüyür, lakin bir çox kameralar zəif parollara görə haker hücumlarına məruz qalır.