İordaniya Rusiya ilə qarşılıqlı viza rejimini təsdiqlədi

İordaniya Nazirlər Kabineti Rusiya ilə viza tələblərinin qarşılıqlı ləğvi haqqında sazişi təsdiqləyib. 

TodayPress TV xəbər verir ki, bu barədə ölkənin rəsmi "Petra" dövlət agentliyi məlumat yayıb.

Məlumata görə, bu təşəbbüs ikitərəfli münasibətlərin möhkəmləndirilməsi və hər iki ölkənin ümumi maraqlarına uyğun yeni imkanların yaradılması məqsədi daşıyır.

Saziş tam qüvvəyə mindikdən sonra, Rusiya və İordaniya vətəndaşları turist vizası almadan 30 gün müddətində qarşılıqlı olaraq digər ölkədə qala biləcəklər. İldə ümumi qalma müddəti isə 90 günü keçməməlidir.

Türkan İsgəndərli