Hindistan Pakistanla qarşıdurmada təyyarələrinin itirildiyini təsdiqlədi
Hindistan Pakistanla yaşanan münaqişə zamanı ölkənin bir neçə döyüş təyyarəsini itirdiyini təsdiqləyib.
TodayPress TV xəbər verir ki, bu barədə Hindistanın Müdafiə Qərargah rəisi general Anil Çauhan məlumat verib.
O, konkret neçə təyyarənin itirildiyini açıqlamayıb. Hindistan hökuməti də bu barədə şərh verməkdən imtina edib.
Xatırladaq ki, Hindistan-Pakistan münasibətləri aprelin 22-də Cammu və Kəşmirdə baş vermiş terror aktından sonra gərginləşib.
Hindistan mayın 7-də "Sindoor" adlı hərbi əməliyyata başlayıb. Pakistan cavab hücumu edib. Mayın 10-da tərəflər atəşkəsə razılaşıb və sərhəddə gərginliyin azaldılması müzakirə olunub.
Türkan İsgəndərli
