Hindistan ABŞ ilə gərginləşir, Çinlə yaxınlaşır
Vaşinqtonun Rusiya neftinə görə tətbiq etdiyi tariflər Hindistan-ABŞ münasibətlərində gərginlik yaradıb.
Hindistanın Baş naziri Narendra Modinin Çin səfəri isə diqqət çəkib.
TodayPress TV xəbər verir ki, bu barədə ABŞ Enerji İnformasiya İdarəsi məlumat verib.
Bildirilib ki, Ukrayna-Rusiya müharibəsindən sonra Hindistan Moskvadan endirimli neft alaraq idxalını 1%-dən 36%-ə qaldırıb. ABŞ Prezidenti Donald Tramp buna cavab olaraq Hindistanın tekstil, zinət əşyası və krevet ixracına 50% vergi qoyub. İqtisadçılar bu addımın Hindistan iqtisadiyyatına 35-38 milyard dollar zərər vuracağını hesablayıb.
Hindistanın Neft və Qaz naziri Hardeep Sinq Puri isə ölkəsinin beynəlxalq qaydaları pozmadığını, Rusiyadan alınan neftin “G7” mexanizmi ilə uyğun olduğunu bildirib.
Digər tərəfdən, Modi 7 ildən sonra Çinə səfər edərək, Si Cinpinlə görüşündə Hindistan və Çinin “rəqib deyil, tərəfdaş” olduğunu vurğulayıb. Səfər çərçivəsində ticarət, sərhəd təhlükəsizliyi və nəqliyyat sahələrində mühüm razılaşmalar imzalanıb.
Aysel Mətləb
