Gürcüstan DTX Saakaşvilinin anasına məxsus universitetlə bağlı araşdırma aparır
“Saakaşvilinin ailəsinin zəbt etdiyi universitetin radikalizmin qızışdırılması üçün platforma kimi istifadə edilməsi təəccüb doğurmur və şəbəkənin xarici mənbələrdən maliyyələşdirilməsi tam aydındır”.
TodayPress TV xəbəri verir ki, bunu Gürcüstanın Baş naziri İrakli Kobaxidze jurnalistlərə açıqlamasında deyib.
O bildirib ki, Gürcüstanın Dövlət Təhlükəsizliyi Xidmətinin bu şəbəkəni ifşa etməsi və radikal planların qarşısının alınması vacibdir.
“Öz ölkəsinə qarşı radikalizmin şiddətləndiriıməsi ilə məşğul olan insanların, o cümlədən gənclərin olması təəssüfedicidir. Bu, ciddi problem və müqavimət göstərməli olduğumuz çağırışdır”, - Baş nazir söyləyib.
Qeyd edək ki, söhbət M.Saakaşvilinin anası Giuli Alasaniyaya məxsus “Gürcüstan Universiteti”ndən gedir. “İmedi” telekanalının məlumatına əsasən, bu ilin aprelində ali məktəb ABŞ-nin Taylanddakı səfirliyindən 40 min dollar əldə edib və vəsait hesabına Qərbin xüsusi xidmət orqanlarının tapşırıqlarına əsasən tələbə və şagirdlər üçün təlimlər keçirilir.
