TƏBİB: “İlk dəfə olaraq şəkərli diabetli uşaqlar qanda davamlı qlükoza monitorinq sistemi ilə təchiz olunub”
"Şəkərli diabet xəstəliyi ilə bağlı ölkə üzrə 343 349 nəfər xəstə dispanser qeydiyyatındadır. Vətəndaşlar 26 adda dərman vasitələri, qanda şəkərə nəzarət vasitələri, həmçinin 103 nəfər uşaq üçün insulin pompasının məsrəfləri ilə təmin olunurlar”.
TodayPress TV xəbər verir ki, bu sözləri TƏBİB-in İcraçı direktoru Vüqar Qurbanov “TƏBİB-in 2025-ci ilin yekunlarına və gələcək planlara dair” brifinqdə deyib.
O bildirib ki, sözügedən dərman və tibbi ləvazimatlar 64 mərkəzi rayon xəstəxanasının nəzdində fəaliyyət göstərən imtiyazlı aptek məntəqələrinə və Bakı şəhəri üzrə 27 imtiyazlı aptekə paylanır:
"2024-cü ildə ilk dəfə olaraq şəkərli diabetli uşaqlarda xəstəliyin idarə olunmasını və qlikemik nəzarətin keyfiyyətini yaxşılaşdırmaq məqsədilə 3-15 yaş arası uşaqlar qanda davamlı qlükoza monitorinq sistemi ilə təchiz olunub və 2025-ci il ərzində davamlı olaraq təminatı həyata keçirilib. Hazırda bu kateqoriyaya aid uşaqların 60%-i (1300 nəfər) cihazla təmin edilib".
Türkan İsgəndərli
