Süni intellekt atlarda xəstəliklərin diaqnostikasında istifadə oluna bilər
Alimlər atlarda xəstəlikləri diaqnoz etmək üçün süni intellekt (AI) texnologiyalarının tətbiqini planlaşdırırlar.
TodayPress TV xəbər verir ki, bu barədə akademik V.V. Kalaşnikov adına Ümumrusiya Atçılıq Tədqiqat İnstitutunun mətbuat xidməti məlumat verib.
Bildirilib ki, neyron şəbəkələri yalnız xəstəliklərin avtomatlaşdırılmış diaqnostikası üçün deyil, həmçinin hər bir heyvan üçün fərdiləşdirilmiş yemləmə və qulluq planlarının hazırlanması üçün də istifadə edilə bilər.
Məlumata görə, atçılıqda rəqəmsal transformasiya çərçivəsində damazlıq göstəricilərinin proqnozlaşdırılması, bioinformatika, eləcə də atların davranışı və sağlamlığının virtual modelləşdirilməsi perspektivli istiqamətlər kimi qiymətləndirilir.
İnstitut artıq neyron şəbəkələrinə əsaslanan at konformasiyasının avtomatlaşdırılmış qiymətləndirilməsi üçün rəqəmsal xidmət hazırlayıb və sınaqlar bu sistemin məlumatların sürətli emalına, insan səhvlərinin azaldılmasına imkan verdiyini göstərib.
Aysel Mətləb
