18 ölkə "Junior Eurovision" 2025-də iştirak edəcək
Avropa Yayım Birliyi (EBU) və Gürcüstan Dövlət Yayımçısı (GPB) 23-cü "Junior Eurovision" Mahnı Müsabiqəsində iştirak edəcək 18 ölkəni təsdiqləyib.
TodayPress TV xəbər verir ki, gənc ifaçılar (9–14 yaş) Albaniya, Ermənistan, Azərbaycan, Xorvatiya, Kipr, Fransa, Gürcüstan, İrlandiya, İtaliya, Malta, Monteneqro, Niderland, Şimali Makedoniya, Polşa, Portuqaliya, San Marino, İspaniya və Ukraynadan qatılacaqlar.
Müsabiqə 13 dekabr 2025-ci il, Tbilisidə keçiriləcək.
Monteneqro və Xorvatiya uzun müddətdən sonra geri dönür, Azərbaycan isə 2021-ci ildən sonra yarışa qayıdır.
GPB müsabiqə üçün səhnə dizaynını da təqdim edib. Səhnə Gürcüstan mədəniyyətindən ilhamlanaraq ənənəvi Doli çalğı aləti və dağ mənzərələri ilə gənc ifaçıların dinamizmini əks etdirir. “United by Music” sloqanı bu ilki vizual kimliyin əsasını təşkil edir.
"Junior Eurovision 2025" Tbilisi Olimpiya Sarayında 13 dekabr saat 17:00 CET canlı yayımlanacaq. Gürcüstan müsabiqənin ən uğurlu ölkəsi olub və indiyədək dörd dəfə qalib gəlib.
Türkan İsgəndərli
