Azərbaycanda əmtəəlik qaz hasilatı artdı
Bu ilin yanvar-mart aylarında Azərbaycanda 12 milyard 506,6 milyon kubmetr təbii qaz hasil edilib.
TodayPress TV Dövlət Statistika Komitəsinə istinadən xəbər verir ki, bunun 9 milyard 857,9 milyon kubmetri əmtəəlik təbii qazın payına düşüb.
Hesabat dövründə təbii qaz hasilatı illik müqayisədə 0,4 %, əmtəəlik qaz hasilatı isə 0,7 % artıb.
Ötən 3 ayda Azərbaycanda 6 milyon 629,7 min ton qaz kondensatı daxil olmaqla xam neft hasil edilib. Bunun 6 milyon 611,9 min tonu əmtəəlik xam neftin payına düşüb.
Hesabat dövründə neft hasilatı və əmtəəlik neftin həcmləri 2025-ci ilin yanvar-mart aylarının göstəricisi ilə müqayisədə 3,4 % azalıb.
