Velotur etirazlara görə vaxtından əvvəl dayandırıldı
Bilbaoda keçirilən “İspaniya Vueltası” veloturunun 11-ci mərhələsi 3 kilometr əvvəl yekunlaşdırılıb və qalib elan olunmayıb.
TodayPress TV xəbər verir ki, buna səbəb finiş xətti yaxınlığında Fələstinə dəstək aksiyası olub.
Etirazçılar İsrail komandasının yarışda iştirakına qadağa qoyulmasını tələb ediblər. Onlar əvvəlcə yolun bir hissəsini bağlayıb, daha sonra finiş xətti ətrafında fələstin bayraqları ilə aksiya keçiriblər.
Təhlükəsizlik məqsədilə finiş xətti 3 kilometr irəli çəkilib. Mərhələni birinci Danimarka idmançısı Yonas Vingeqor başa vurub, lakin rəsmi qalib açıqlanmayıb. Buna görə də mükafatlandırma mərasimi ləğv olunub.
Nicat Osman
